Sunnudagaskólinn

 

Í vetur verða tveir sunnudagaskólar á vegum Vídalínskirkju. Annars vegar klukkan 10 í Urriðaholtsskóla og hins vegar klukkan 11 í safnaðarheimili Vídalínskirkju eins og venjulega. Verið innilega velkomin.

Umsjónarmaður sunnudagaskólans er Matthildur Bjarnadóttir en henni til stuðnings eru þau Jóna Þórdís Eggertsdóttir, Davíð Sigurgeirsson, Bolli Már Bjarnason, Ingvar Alfreðsson, Trausti Jónsson, Berglind Halla Elíasdóttir og Ásthildur Úa Sigurðardóttir.

6 til 9 ára starfið

Á þriðjudögum milli 16 og 17 er skemmtilegt starf fyrir krakka á aldrinum 6 til 9 ára.Við leggjum áherslu á að fræða börnin um helstu sögur og gildi kristinnar trúar ásamt því að efla sjálfstraust, tjáningu og framkomu í gegnum leiklist og leik.

Umsjónarmaður starfsins er Matthildur Bjarnadóttir æskulýðsfulltrúi.

Starfið er ókeypis og er í beinu framhaldi af æfingu yngri barnakórsins sem hentar vel þeim krökkum sem hafa áhuga á að taka þátt í hvoru tveggja.

TTT, 10 til 12 ára starfið

Á þriðjudögum milli 17 og 18:30 er starf fyrir krakka á aldrinum 10 til 12 ára í umsjón Matthildar Bjarnadóttur æskulýðsfulltrúa og Jónu Þórdísar Eggertsdóttur. Þar heyrum við helstu sögur kristinnar trúar, æfum okkur í tjáningu, sköpun og framkomu og skemmtum okkur vel saman.

Starfið er ókeypis og er í beinu framhaldi af æfingu eldri barnakórsins sem hentar vel þeim krökkum sem langar til að taka þátt í hvoru tveggja.