Á hverjum sunnudegi er sunnudagaskóli, nema fyrsta sunnudag hvers mánaðar þegar eru fjölskylduguðsþjónustur

Þá sunnudaga sem sunnudagaskólinn starfar koma börnin til messu með foreldrum en fara síðan til skólastarfs með leiðbeinendum skömmu eftir upphaf messu.

Bænastarf er hverjum söfnuði afar mikilvægt og yndislegt þegar fólk finnur fyrir innri köllun til bænalífs og ekki síst til fyrirbæna fyrir mönnum og málefnum.
Boðið er upp á fjórar samverur í viku þar sem kyrrð og samtal við Guð er megintilgangurinn.
Kyrrðar- og íhugunarstund er á þriðjudögum í Vídalínskirkju kl. 12. Þá er gengið inn í þögnina en kl. 12:10 fyllist kirkjuskipið af tónlist. Sá flutningur stendur í tuttugu mínútur með þremur hléum, en þá eru flutt ritningarvers eða ljóð. Stundin endar á bæn, söng og blessunarorðum. Á meðan tónlist er leikin í kyrrðarstundinni er hægt að ganga milli bænastöðva í kirkjuskipinu. Þar er hægt að dvelja við hugsanir sínar og leyfa hinni lífgefandi nærveru Guðs að umvefja sig.
Að lokinni kyrrðarstund kl. 12:30 er hægt að kaupa súpu og brauð í safnaðarheimilinu á vægu verði.
Bænahringur kvenna er á þriðjudögum kl. 16:30 í Vídalínskirkju. Bænarefni eru skrifuð niður á staðnum.
Djúpslökun og kyrrðarbæn er á þriðjudögum kl. 17:30-18:30 í Vídalínskirkju. Þessar stundir eru öllum opnar.
Bænahringur karla er á þriðjudögum kl. 20 í Vídalínskirkju. Bænarefni má senda á netfangið fhjartar@gardasokn.is
Það eru allir innilega velkomnir til þátttöku.

Reglulegt helgihald er í Ísafold, dvalarheimili aldraðra í Garðabæ, síðasta fimmtudag í mánuði og á stórhátíðum. Einnig eru batamessur reglulega. 
Á þriðjudögum klukkan 19:30 í október og nóvember munu Jóna Hrönn Bolladóttir sóknarprestur og Bjarni Karlsson prestur vera með biblíulestra.