Tónlistarguðsþjónusta í Vídalínskirkju kl. 11:00 þar sem allir sálmar sem fluttir verða eru eftir Aðalstein Ásberg Sigurðsson og Sigurð Flosason. Sr. Benedikt Sigurðsson þjónar fyrir altari. Tónlistarflutningur verður í höndum Jóhanns Baldvinssonar og Kórs Vídalínskirkju.
Í messunni verður samstarfsverkefni Vídalínskirkju og Grósku, félags myndlistarmanna í Garðabæ, kynnt. Verkefnið er hluti af Kirkjulistaviku Kjalarnessprófastsdæmis 8.- 15. febrúar, en yfirskrift vikunnar er: "Í skugga vængja þinna".

Kaffiveitingar í safnaðarheimilinu að guðsþjónustu lokinni.