Sumarmessa í Garðakirkju kl. 11.00. Sr. Jónína Ólafsdóttir predikar og þjónar fyrir altari. Kári Þormar organisti sér um tónlistina. Marína Ósk söngkona syngur gamla góða slagara, sem allir ættu að geta tekið undir, í messukaffinu í hlöðunni á Króki á eftir messu. Beint streymi á facebook.com/sumarmessur. Sumarmessur eru samstarfsverkefni safnaðanna í Hafnarfirði, Álftanesi og Garðabæ og eru í Garðakirkju kl. 11 alla sunnudaga í júní, júlí og ágúst.

Marína Ósk er söngkona, laga- og textahöfundur og söngkennari, fædd og uppalin í Keflavík. Hún hefur síðustu ár mest sungið jazz en kemur einnig reglulega fram sem poppsöngkona og söngvaskáld. Hún er með meistaragráðu í tónlist, hefur gefið út tvær sólóplötur og fékk tilnefningar til Íslensku tónlistarverðlaunanna fyrir þær báðar. Marína Ósk starfar sem söngkennari hjá Tónlistarskóla FÍH, Tónlistarskóla Kópavogs og einnig sjálfstætt. Það verður án efa ánægjulegt og gefandi að hlusta á þessa ungu og upprennandi sögnkonu á sunnudaginn. Verið öll velkomin.

Á myndinni hér að neðan er Marína Ósk í góðum hópi verðlaunahafa á Íslensku tónlistarverðlaunahátíðinni, öll hampandi verðlaunagrip. (Mynd: Ístón)