Sunnudaginn 15. júní verður hin árlega hjólreiðamessa safnaðanna í Hafnarfirði, Álftanesi og Garðabæ. Lagt verður af stað frá tveimur stöðum, Vídalínskirkju og Ástjarnarkirkju, klukkan 9:30 og hóparnir sameinast svo í Hafnarfjarðarkirkju og halda þaðan áfram. Stöðvað verður við Fríkirkjuna í Hafnarfirði og þaðan hjólað í Víðistaðakirkju þar sem hressing bíður hópsins. Hjólatúrinn endar í sumarmessu í Garðakirkju.

Sr. Hans Guðberg Alfreðsson, prófastur Kjalarnessprófastsdæmis, þjónar fyrir altari og predikar. Ástvaldur Traustason organisti stýrir tónlistinni.

Í messukaffinu að athöfn lokinni syngur Þorgeir Ástvaldsson inn sumarið.

Brottfarartímar:

• 09:30  Ástjarnarkirkja
• 09:30  Vídalínskirkja
• 10:00  Hafnarfjarðarkirkja
• 10:20  Fríkirkjan í Hafnarfirði
• 10:40  Víðistaðakirkja – hressing
• 11:00  Garðakirkja – sumarmessa.

Tökum þátt og eflum líkama, sál og anda!

Verið öll hjartanlega velkomin.