Miðnæturguðsþjónusta verður að venju í Garðakirkju kl. 23:00 á aðfangadag. Athugið breyttan messutíma. Benedikt Sigurðsson leiðir stundina og flytur hugvekju. Félagar úr Gospelkór Jóns Vídalíns syngja við undirleik Ingvars Alfreðssonar.

Miðnæturguðsþjónusta á aðfangadag er hátíðleg og mikilvæg hefð fyrir marga. Hátíðleikinn verður vart meiri en þegar Heims um ból er sungið við kertaljós. Verið öll hjartanlega velkomin í fallegu kirkjuna okkar.

Sóknarnefnd og starfsfólk Garðasóknar óskar þér og þínum gleðilegrar og hamingjuríkrar jólahátíðar.