Sr. Matthildur Bjarnadóttir og sr. Jóna Hrönn Bolladóttir þjóna. Kór Vídalínskirkju syngur undir stjórn Jóhanns Baldvinssonar.

Fermingarbörn vorsins 2025 ásamt foreldrum/forráðamönnum boðin velkomin.

------------------

Sunnudaginn 28. apríl n.k. hefst fermingarundirbúningurinn formlega í Garðabæ með því að við bjóðum fermingarbörnum og aðstandendum þeirra til guðsþjónustu kl.11:00 í Vídalínskirkju. Stundin er sniðin að því að upplýsa og bjóða ykkur sérstaklega velkomin inn í þessa fallegu samleið sem fermingarveturinn er í lífi fjölskyldunnar.

Strax að lokinni guðsþjónustunni er stuttur fundur þar sem skráning á fermingardagana er kynnt en hún hefst þriðjudaginn 30. apríl. Farið verður yfir helstu tímasetningar á haustönninni eins og fermingarferðalög í Vatnaskóg og fermingartíma. Að fundi loknum verður hægt að koma með fyrirspurnir eða senda póst á jonahronn@gardasokn.is og matthildur.bjarnadottir@kirkjan.is sem yrði svarað eftir helgina.

Boðið verður í pizzaveislu í fundarlok í safnaðarheimilinu.