Messa og sunnudagaskóli verður í Vídalínskirkju sunnudaginn 14. október kl. 11.00. Prestur verður sr. Stefán Már Gunnlaugsson héraðsprestur Kjalarnessprófastsdæmis, félagar úr Kór Vídalínskirkju syngja og organisti verður Jóhann Baldvinsson.

Sunnudaginn 7. október verður batamessa í Vídalínskirkju kl. 17.00. Sr. Jóna Hrönn Bolladóttir og Helga Björk Jónsdóttir þjóna, Jóhanna Guðrún Jónsdóttir syngur, Davíð Sigurgeirsson leikur á gítar og organisti er Jóhann Baldvinsson.

Sunnudaginn 7. október verður messa í Garðakirkju kl. 14.00 og barn borið til skírnar. Sr. Bjarni Karlsson þjónar, Halldís Ólafsdóttir syngur einsöng, félagar úr Kór Vídalínskirkju syngja og organisti verður Jóhann Baldvinsson.

Blásarasveitin Luther Brass Frankfurt frá Þýskalandi kemur í heimsókn í Vídalínskirkju sunnudaginn 30. september og spilar í messu. Stjórnandi er Norbert Haas.

Helgina 12.-13. maí fór Kór Vídalínskirkju í vel heppnaða kórferð um Snæfellsnes. Sungið á ljúfmetismarkaði við höfnina í Stykkishólmi, á tónleikum í Stykkishólmskirkju og á öllum viðkomustöðum á bakaleiðinni. Hér eru nokkrar myndir úr ferðinni.

Kór Vídalínskirkju heldur á þessu vori tvenna tónleika. Þeir fyrri verða í Stykkishólmskirkju laugardaginn 12. maí kl. 16.00 og þeir síðari í Vídalínskirkju miðvikudaginn 16. maí kl. 20.00. Einsöngvari verður Erla Björg Káradóttir og orgelleik annast Guðmundur Sigurðsson.

Árleg aðventuhátíð Garðasóknar verður í Vídalínskirkju sunnudaginn 10. desember kl. 17.00. Guðrún Elín Herbertsdóttir bæjarfulltrúi flytur hugleiðingu, Hallveig Rúnarsdóttir, sópran, syngur, Emilía Rós Sigfúsdóttir leikur á flautu, Guðmundur Sigurðsson verður organisti, Kór Vídalínskirkju syngur og tónlistinni stjórnar Jóhann Baldvinsson kórstjóri.