Fyrstu dagana í janúar förum við rólega af stað í safnaðarstarfi Garðasóknar enda fylgja aðventunni og jólahátíðinni ávallt miklar annir í kirkjunni. Samkvæmt venju fellur hefðbundið helgihald niður í sókninni fyrsta almenna sunnudag ársins og verður því engin messa sunnudaginn 8. janúar en við komum margefld til starfa sunnudaginn 15. janúar. Þá verður Sunnudagaskólahátíð í Vídalínskirkju kl. 11. Leikkonur úr leikhópnum Flækja koma og setja upp sýninguna „Ef ég væri týgrisdýr“, skrifað af þeim Sigríði Ástu Olgeirsdóttur og Júlíönu Kristínu Jónsdóttur.