Næstkomandi sunnudag, 30. október, verður bleik messa í Vídalínskirkju kl. 11:00 í tilefni af beikum október sem tileikaður er baráttu gegn krabbameinum. Sigurbjörn Þorkelsson rithöfundur predikar og sr. Jóna Hrönn Bolladóttir leiðir stundina. Kór Vídalínskirkju syngur undir stjórn Jóhanns Baldvinssonar organista.

Í messunni kveðjum við og þökkum sr. Sveinbirni R. Einarssyni fyrir gott samstarf og óskum honum farsældar á komandi árum en sr. Sveinbjörn er nú að ljúka starfsævi sinni innan þjóðkirkjunnar eftir farsælan feril. Sr. Sveinbjörn hóf störf hjá Garðasókn 1. september 2021 en var áður sóknarprestur í Þingeyraklaustursprestakalli með aðsetur á Blönduósi.

Messukaffi með súkkulaði og kleinum verður í boði að lokinni athöfn.

Sunnudagaskóli er í Urriðaholtsskóla kl. 10:00 og í Vídalínskirkju kl. 11:00. Brúðuleikrit, söngur og gleði.

Verið öll velkomin.