Í 10 ár hefur konudagurinn verið haldin alveg sérlega hátíðlegur í Vídalínskirkju.  Þá er alltaf mikil tónlist og magnaðar ræðukonur.  Á  síðasta ári  talaði Eliza Reed forsetafrú, en í ár var það Lilja D.Alfreðsdóttir mennta-menningamálaráðherra sem flutti frábæra ræðu á sunnudaginn var.   Guðsþjónustunni hefur alltaf verið útvarpað og á eftir hafa félagar í Lionsklúbbum Garðabæjar undirbúið stórveislu í safnaðarheimilinu.  Þá hefur verið í safnaðarheimilinu tískusýning frá versluninni Ilse Jacobsen á Garðatorgi þar sem hægt er að finna gleðina í vortískunni og hækkandi sól.  Það eru 60-70 manns sem undirbúa þennan dag í kirkjunni og flestir í sjálfboðinni þjónustu sem er alveg stórkostlegt.